huhuhu.... baru pulai ari KL kemarik. Nerima sijil.. Convo ko orang kemaya hari tok..
2 tahun lebih merinsa... tinduk laun... kembai mata, stress.. semua bisi dia magang... Bekenya meh asai orang tuai ka belajar baru.
Aku ngeregister diri ngambi MBA aku enggau University of Southern Queensland, Australia nengah partner sida di Malaysia.. SEGi Kuching... (ngagai orang ka ka ngambi MBA USQ, anang sesekali nengah SEGI, pengakar besai kolej tok - mimit2 duit, udah di bayar pun dipadah bedau ... manah agik nengah kolej bukai baka I-system etc... tang enti enda pecaya, nadai ko enggau meh...)
Aku masuk taun keterubah pengujung tahun 2006 bulan 10... maya nya agik ingat aku, kumpulan kami ari Bintulu bisi lapan iko ajak. Aku nembiak paling penudi register dalam program nya. Orang bukai udah masuk semester 2 tauka 3. Tang aku bisi diberi exemption ngagai 2 iti subjects... IT enggau Managerial Finance. Laban degree aku pasal accounting lalu subject IT aku distinction leboh maya degree suba. Nyadi dalam taun keterubah aku semina ngambi 5 iti ajak subject, ukai 7 iti baka orang bukai.
Taun terubah, dalam semester ti terubah, aku ngambi 2 iti subject mula... Gaga amat aku, aku bulih A - distinction dalam kedua-dua iti subject nya... Enda gak ngumbai diri empu pandai, tang merinsa gak belajar ka nya. Kaban ku siko, Ms Ivy nya ka last minute narit diri ari enggau ngambi peresa nya (seminggu sebedau peresa) , tang aku nagang ya... Kami duai sama bela belajar... Pengujung ya, aku bulih A dalam kedua-dua subject nya, lalu Ivy bulih sigi A lalu sigi B... Pama meh... subject ka kumbai ya tusah, iya bulih B... nya meh... belajar tok bisi cara... ukai sengapa...
Nyepi asai okay dalam semester ti terubah, dalam semester ti kedua aku ngambi 3 igik subject sekali gus... Tusah sigi amat tusah, tang ati keran ka ngabis ka taun terubah nya jampat, laban aku enggai tinggal bala bukai ti dulu ari aku. Di ambik aku 3 igi subject nya, PUJI TUHAN aku pass. Kali tok enda bulih A agik... 2 iti B - credit lalu sigi C - credit gak. Tapi aku puas ati gak, laban aku ulih maintain 3 pointer CGPA aku lalu semina aku siko ajak orang ti kala nembu ka taun ke terubah dalam masa 7 bulan.
Cerita dalam TAUN KEDUA bertukar. Dalam taun kedua tok, kami di monitor terus sida pengajar ari USQ. Semua materials, test, assignment, project, research etc... di kemata ke sida ari USQ. Dalam taun ke 2 tok, aku perlu ngambi 7 iti subject. Terus terang aku madah, semester ke terubah aku FAIL subject major aku - basic and principle - PROJECT MANAGEMENT. Ukai semina aku ajak, Ivy pen fail gak. Kami dua bela tusah ati. Bela nyukong pangan diri meh... enggai ka surut... Tusah sigi amat tusah.... tang ati bendar amat ka ngulih ka penemu enggau sijil nyak...
Dikena ngenyamai ka ati diri empu... "enti MBA tok senang, nyau bisi master memagang gak orang" pia ko... Pejam encelak, nyau semak dua taun aku nembu ka taun ti penudi tok (7 iti subject) bulan 11 tok kemari, aku peresa ka subject ti penudi... maya nya sigi-sigi ajak subject di ambik,,.... enda ulih eksen2 maka mula2 suba... Result pansut pengujong bulan 11, AKU PASS.... akai dai.... lantang asai seput... lalu maya nya mega makai 100 ari niang indai ku ti udah mulai ke diri ngagai TUHAN. Nya meh hadiah ti pemadu berega ti ulih di beri aku ka ya... taja pen ya enda meda... Mummy meh orang ti mayoh nyukong lalu nulong aku dalam aku belajar tok... ari segi duit ringgit, ari segi semangat.... laban ya ka meda aku ngambi PhD... bulih pangkat Dr...
Anang irau mummy, aku deka ngambi PhD aku, taja pen nuan enda ulih ngasai ka pengaga nya enggau aku ila, tang semua tok ari peransang nuan... I'll do it for you... to make you proud...
Datai email enggau surat ari sida USQ madah ka aku udah pass lalu nanya aku pasal convo.... bisi dua iti pilihan, nerima di campus - Toowoomba, Queensland tauka di KL jak... Aku milih di KL jak la... Enda ulih aku ninggal ka Bintulu kelalu lama, nadai orang nyaga bala madi aku ti tinggal ditu, ngaga rumah, lalu business aku pen tinggal. Aku ke KL pen ukai entu mai ati ti senang... pengirau pasal utai ti nyadi di Bintulu agik.... bingung amat maya nya... Sigi agik perkara, duit pen enda entu cukup kena bejalai jauh kin. Agik mayoh deka nguna duit di Bintulu tok... Kena ngalah ka diri, di KL ajak la. Tomas di bai aku kin. Sinu gak leboh maya convo nadai diri sebilik enggau meda aku nerima utai nya. Leboh ngambi gambar, orang nanya, "your family?" lalu aku nunjuk ka Tomas... "only one coming"... Thanks Tomas.... you are my great buddy and brother!!!
Aku konvo pagi ari minggu pukul 10 pagi. Semak 200 iko kami ka ngambi Master pagi nya. Lalu Datuk Sri Azalina Othman (Menteri Pelancongan Malaysia) nerima Ijazah Doktor Kehormat ya... Nyau cemburu gak aku meda iya ngena jubah merah lalu ngena topi bulat (bonnet) sigi angan2 aku deka ngena topi nya.... ukai mortar board... bohsan...
Pulai ari KL, ari satu, 3 malam aku din... penat gak bejalai di menua orang, sampai meretor kaki di bai bejalai... Makai sigi enda ngetu... Nadai entu bebeli ka utai, semina nganjong mata ajak belajai din... hehehe.. tang mayoh2 pengawa digaga din, urut kaki enggau minta kaki di pantuk ikan (DR FISH SPA) seronot keh keh keh....
papai.... take care...
Subjek / Masa / Lokasi
8 years ago